Masjidka Nabiga

Waa mid ka mid ah masjidyada caalamka ugu waawayn, waana meesha labaad ee lama baabtaanka (muqadaska) ah xagga islaamka.Waa masjidkii uu Nabi Muxamad (n.n.k.h) ka dhisay magaalada madiina markii uu u soo haajiray sanadkii 622 cd. Wuxuuna ka dhisay dhul gurigiisa garabka ku hayey oo lagu qalajin jirey timirta oo ay iska lahaayeen labo wiil oo agoon ah. Inta ka gatay ayuu masjidka ka dhisay, iyadoo lagu dhisay laamaha geed-timirka. Dhirirkiisu wuxuu ahaa konton mitir, ballacuna waa u dhowaa. Waxaana la deday oo saqaf la saaray qayb ka mid ah. Qaybta u dambaydana waxaa laga dhigay meel ay ku hoydaan masaakiinta iyo dadka meesha ku cusub ( dadka koytada ah).