Yanadhihiri maelekezo ya Qur’ani katika kuifanyisha kazi akili kupitia hoja mbali mbali, miongoni mwazo ni kama ifuatavyo:

Qur’ani inamsemesha mwanadamu mwenye akili razini, iliyo huru na kila aina ya ukandamizaji, kiburi, hofu na ujinga. Inajulisha juu ya wajibu wa kumwamini Allah Mtukufu kupitia dalili za kiakili na ushahidi wa kimantiki, na katika hayo ni Kauli Yake Allah – Subhaanahu wa taala; “Au wao wameumbwa pasipo kutokana na kitu chochote, au ni wao ndio waumbaji? Au wao wameziumba mbingu na ardhi? Bali hawana yakini.” (Q52:35-36)