Papaano Nangyari ang Premyo ng Nobel Noong Taong 1130

Ang pangingibabaw ng kabihasnang Islāmiko sa Mundo ay sa loob ng mahigit sa 800 taon, magmula
taong 630 hanggang sa 1430. Ang Mundo ng Islām noon kalakip ng wika nitong Arabe ay ang numero
uno sa kaalaman at agham. Umabot ang kaalaman sa tugatog nito sa yugtong tinatawag ng Ginintuang
Panahong ng Islām yayamang may lumitaw na malaking bilang ng mga pantas na nagpakadalubhasa
sa mga larangan ng medisina, astronomiya, matematika, at inhinyera. Dinarayo sila ng marami sa mga
estudyante mula sa iba’t ibang sulok ng daigdig upang matuto mula sa kanila. Ang mga aklat nila at ang
mga nasaliksik nila ay nananatiling itinuturo sa marami sa mga pamantasan ng Mundo gaya ng nangyari
sa mga aklat ng dalawang pantas na sina Ibnu Sīnā (Avicenna) at Al-Khawārizmīy at iba pa sa kanila na
mga henyong pantas, na itinuturo ang mga aklat nila sa matandang pamantasan ng Sorbonne sa Pransiya
hanggang sa dekada 20 ng ika-20 siglo.