عقل کے استعمال کے بارے میں قرآنی راہنمائی کا اظہار کئی امور میں ہوتا ہے جن میں سے کچھ یہ ہیں:

قرآن ایسے ذی عقل انسان سے مخاطب ہوتا ہے جو وسیع النظر اور ظلم و تکبر اور خوف و جہالت کی تمام صورتوں سے آزاد ہو۔ قرآن متعدد عقلی اور منطقی ثبوتوں کے ساتھ دلائل پیش کرتا ہے کہ اللہ جل جلالہ پر ایمان لانا واجب ہے۔ انہی میں سے ایک اللہ جل جلالہ کا یہ فرمان ہے کہ: أَم خُلِقُواْ مِن غَيْرِ شَيْءٍ أَم هُمُ الخَلِقُونَ 35 أَم خَلَقُواْ السَّمُوتِ وَالأَرضَ بَل لَّا يُوقِنُونَ 36 [الطور: 35-36]

«کیا یہ کسی خالق کے بغیر خود پیدا ہو گئے ہیں؟ یا یہ خود اپنے خالق ہیں؟ یا زمین اور آسمانوں کو انہوں نے پیدا کیا ہے؟ اصل بات یہ ہے کہ یہ یقین نہیں رکھتے » ۔