اسلام اور فروغِ آزادی

جب اسلام آیاتو غلام کو ایک حقیر اور گھٹیا شے سمجھا جاتا تھا جس کی نہ کوئی قیمت ہوتی اور نہ کوئی حقوق، بلکہ اس کی کوئی عزت بھی نہ ہوتی تھی۔ دوران خدمت بھی اسے بیڑیوں میں جکڑ کر رکھنے میں کوئی حرج محسوس نہیں کیا جاتا تھا کہ کہیں وہ بھاگ نہ جائے۔ اگر اس کی موت یا اسے قتل کرنے میں کچھ دل لگی اور تفریح کا سامان ہوتا تو ایسا کرنے میں بھی کوئی مضائقہ نہ سمجھا جاتا جیسا کہ کولوزیئم میں ہونے والی مشہور رومی کشتیوں میں ہوا کرتا تھا جس میں غلام اپنے آقاؤں کے غرور اور لذت کی تسکین کے لئے موت تک ایک دوسرے سے لڑتے تھے۔