رێنووسی عەرەبی

لەوانەیە یەکێک لە ئێمە لە میانەی سەردانێکیدا بۆ یەکێک لە مۆزەخانەکانی رۆژهەڵات و لەبەردەم تابلۆیەکی هونەریدا راوەستابێت کە بە زمانی عەرەبی نووسرابێت، یان لە رێگەی وەسیلەیەکی ترەوە ئەو تابلۆ هونەرییەی بینیبێت کە بە نووسینێکی عەرەبی ڕازاوە نووسرابێت، سەرنجی راکێشابێت و لێی ڕامابێت ئەگەر بۆ چەند ساتێکیش بووبێت، ئەگەر شتی واشت بۆ ڕێنەکەوتبێت، ئەوە لەوانەیە ئەو وێنانەی سەر بەرگی ئەم بڵاوکراوەیەی کە لەبەردەستتدایە حەزی زیاتر زانینت تێدا بجوڵێنێت، تا شتێک بزانی دەربارەی ئەم هونەرە، دەی ئەبێ چیرۆکی ئەم هونەرە چی بێت و ئەم هەمووە زەخرەفە ونەخش و نیگارە چیە کە ئەوپەڕی داهێنانی تێدا بەکارهێنراوە لە لایەن عەرەبە پێشینەکان و هاوچەرخەکانیشەوە؟ ئەم جوانیە جیاوازانە چین لەم هونەرەدا هەن؟ ئەو شتە چیە کە نووسینی عەرەبی بەم هەمووە هونەرەوە جیاکردووەتەوە، کە خەریکە بڵێی لە زمانەکانی تردا ئەو شتانە نین؟