Hijabi Ba Tufafi Ne Kawai Ba

Tsara alaƙa tsakanin namiji da mace yana gudana ne a kan wasu dokoki da al’adun da mutane suka tsarawa kansu, abin da ya kawo ra’ayoyi da abubuwa da yawa a tarihi, waɗanda zai yi wahala a ƙididdige su, sai dai littafan tarihi da na nazarin halayyar ɗan adam (Anthropology) sun ba mu labarin wasu mutane waɗanda ba su ganin laifin tsiraici da alaƙa barkatai tsakanin maza da mata, kamar yadda a gefe guda suka ba mu labarin mutanen da suke ɗaure mace da sarƙa don tsoron kada a afka mata, da waɗanda suke lulluɓe maza su bar mata, ko kuma su rufe wani wuri a jikinsu su bar wani wurin, da sauran halayen mutane daban daban waɗanda ba za su ƙirgu ba.