Mene ne yake ingiza su zuwa neman sanin addinin Musulunci?

Ɗan Adam ya daɗe yana amfani da ƙarfi wajen tilasta bin ra’ayinsa da tabbatar da abin da zai amfane shi. Tarihi cike yake da misalai a kan haka, daga dukkan masu dangantuwa zuwa ga wasu addinai da hanyoyi daban daban.
Misali : Tarihi ya shaida irin mummunan kisan ƙare dangi da ya faru ga mazaunan asali, a lokacin da masu bincike da hijira suka iso sabuwar duniya, munin abin har ya kai malamin kiristan nan ɗan ƙasar Spain Bartolomede de Las Casas yana cewa, bayan ya ga irin kisan da aka yi waɗannan mutane, ya ce “Haƙiƙa waɗannan mutane basa yi wa mazauna wannan wuri na asali kallon mutane, suna ɗaukar su ne ƙasa da darajar dabbobi!!”.