Yadda Musulunci Ya Yaɗa Ƴanci

A lokacin da Musulunci ya zo bawa yana cikin wulaƙanci da tozartawa, ba shi da wata ƙima, ko wasu haƙƙoƙi da ake ba shi, ana wulaƙanta shi iyakan wulaƙantawa, ba a ganin laifi ne a ɗaure shi da sarƙa yayin da yake aiki don kada ya gudu, haka nan babu laifi a kashe shi, idan dai har mutuwarshi za ta kawo jin daɗi da kwanciyar hankali, kamar irin abin da yake faruwa a wajen kokawar nan mashahuriya ta Rumawa a wurin da aka fi sani da Kolosiyum (Colosseum), wadda bayi suke yin kokawa da junansu, har zuwa mutuwa, don kawai iyayen gidansu su biya buƙatarsu da ji-ji da kai da jin daɗi.a