مزگەوتی پێغەمبەر (صلی اللە علیەوالەوسلم)

یەکێکە لە مزگەوتە گەورەکانی جیهان، دووەم پیرۆزترین شوێنە لە ئیسلامدا، ئەو مزگەوتەیە کە موحەممەد پێغەمبەر (صلی اللە علیەوالەوسلم) دروستی کردووە، بە تەنیشت خانووەکەی خۆیەوە، لە ساڵی622 پاش کۆچکردنی بۆ مەدینەی مونەووەرە، لەسەر پارچە زەوییەک بونیادی ناوە کە لە بناغەدا شوێنی خەرمانی خورما وشککردنەوە بوو، هی دوو مناڵی بێ باوک بوو، پێغەمبەر(صلی اللە علیەوالەوسلم) زەویەکەی لێ کڕین، پاشان مزگەوتەکەی بە قەد و پەلکی دارخورما دروست کرد لەسەر ئەو زەویە، درێژی مزگەوتەکە پەنجا مەتر بوو، پانیەکەشی نزیک بوو لەو ئەندازەیە، ئەندازەیەکی لە مزگەوتەکەی سەرگرت، لە کۆتایی مزگەوتەکەدا بەشێکی تایبەت کرد بۆ کەسە هەژار و بێ نەواکان.