عربی خطاطی

شاید ہم میں سے کوئی کسی دن مشرقی عجائب گھروں میں سے کسی عجائب گھر کی سیر کےدوران کسی ایسے شہ پارے کے سامنے رکا ہو جسے عربی زبان کے حروف کے ساتھ لکھا گیا تھا یا پھر اس نے کسی ذریعے سے کسی ایسے فن پارے کو دیکھا ہو جس پر عربی نقش و نگار بنے ہوں اور انہوں نے اس کی توجہ اپنی طرف مبذول کرائی ہو اور خواہ چند لمحات کے لئے ، اسے ان کو بغور دیکھنے کے لئے ٹھہرا لیا ہو۔ اگر آپ کےساتھ ایسا کچھ بھی نہیں ہوا تو پھر جو ورق آپ کے سامنے ہے اس کے کور پر جو نقوش بنے ہوئے ہیں انہوں نے اس فن کے بارے میں کچھ جاننے کے لئے آپ کے تجسس کو انگیخت ضرور دی ہو گی ۔ ان نقوش و نگار اور زیبائش کی کیا کہانی ہےجس میں قدیم عربوں اور ان کے ہم عصروں نے نت نئے انداز میں مہارتیں دکھائیں؟ ان کی خوبصورتی کا راز کیا ہے؟ اور وہ کون سی شے ہے جس نے عربی خطاطی کو یہ امتیازی خصوصیت عطا کی جو اس کے علاوہ دیگر زبانوں میں نہیں پائی جاتی؟