Addinin Ilimi :

Ba da banza ba ka ga kalimar farko da ta sauka daga cikin Alƙur’ani, ga Annabi, sallallahu alaihi wa sallam, ita ce “yi karatu”.
Hujjoji da daman gaske sun zo a cikin Alƙur’ani da zantukan Manzon Allah sallallahu alahi wa sallam, da suke nuna irin yadda
Musulunci ya ƙarfafa tare da nuna muhimmancin gaba ɗayan fannonan ilimi mai amfani ga mutum, har ya ambata cewa
hanyar ma duk da Musulmi zai bi don neman ilimi ɗin nan, ita ce hanyarsa zuwa Aljannah, kamar yadda Annabi, sallallahu
alaihi wa sallam, ya ce: “Wanda duk ya kama wata hanya yana neman ilmi a kan ta, Allah zai sauwaƙe masa hanya zuwa
Aljannah.” (Mulim :2699).