Ang Masjid ng Propeta

Ito ay isa sa pinakamalaki sa mga masjid sa daigdig at ikalawa sa pinakabanal na pook sa Islām. Ito ang Masjid na ipinatayo ng Propeta Muḥammad – basbasan siya ni Allāh at batiin ng kapayapaan – sa Madīnah Munawwarah, matapos ng paglikas niya noong taong 622, sa tabi ng bahay niya sa isang lupaing pinatutuyuan dati ng mga datiles, na pagmamay-ari ng dalawang batang lalaking ulila at binili niya mula sa dalawang ito. Pagkatapos ipinatayo niya ang masjid yari sa mga palapa ng datiles at mga troso nito, na may habang 50 metro at may luwang na malapit sa 50 metro. Nagbubong siya sa isang bahagi mula rito at gumawa siya sa hulihan nito ng isang lugar na kinakanlungan ng mga estranghero at mga dukha.