Àwòkọ èdè Lárúbáwá

Nígbà mìíràn, ẹnìkan nínú wa, ní ọ̀kan nínú àwọn ọjọ́ ayé, nígbà tó bá lọ bẹ ọ̀kan nínú àwọn ibi ìkóhun-ìṣẹ̀ǹbáyé sí ìlú Òyìnbó wò, níwájú wàláà atọ́ka, èyí tí wọ́n kọ pẹ̀lú àwọn háràfí èdè Lárúbáwá tàbí nígbà mìíràn ẹ̀wẹ̀, ó le rí, láti ipasẹ̀ ohun kan; wàláà atọ́ka, tí wọ́n kọ pẹ̀lú àwọn àwòkọ àti àwọn ohun-ọ̀ṣọ̀ èdè Lárúbáwá, èyí tó fà á lójú mọ́ra, tó sì dá a dúró, kódà kó ṣe fún ìgbà díẹ̀, nítorí kí ó le ronú sí i. Tó bá jẹ́ wí pé nǹkankan nínú èyí kò ṣẹlẹ̀ rí sí ọ, bóyá àwọn àwòràn tó wà lára èpo ìwé yìí, èyí tó wà níwájú rẹ, ti gbẹ ọ́ ní òǹgbẹ láti mọ nǹkankan nínú agbagbe ìmọ̀ yìí. Nítorí náà kín ni ìrò tí àwọn ohun-ọ̀ṣọ̀ àti àwọn iṣẹ́ ọnà, èyí tí àwọn ara ijọ́hun nínú Lárúbáwá àti àwọn mìíràn tó bá wọn lògbà, pegedé níbi dídá àrà pẹ̀lù rẹ̀? Kín ni àṣírí tí ń bẹ níbi rírẹwà rẹ̀? Àti pé kín ni ohun tó ṣe àdáyanrí àwòkọ èdè Lárúbáwá pẹ̀lú ọ̀nà ìmọ̀ yìí, èyí tó fẹ́ẹ̀ má sí nínú àwọn èdè mìíràn?