Bambanci Tsakanin Dokokin Ɗabi’a Da Dokokin Shari’a

Allah ya halicci wannan duniya da muke rayuwa a
cikinta, tun farko, da wata ƙanƙanuwar ƙwayar halitta
kamar ta cikin jikinmu, ya kuma kamala da wani tauraro
mai nisan gaske, wanda na’urorin hangen nesa suka
ci nasarar tsinkayowa da kyau, tare da gano cikakken
tsari mai ban mamaki, da wannan tsarin halitta ya ƙunsa,
wanda rayuwa a cikin wannan tauraro da muke ciki, ba
ta yiwuwa, sai da shi. Sa’annan gaba ɗayan Malaman
kimiyyar yanayi, sun bayar da tabbatacin cewa, da zarar
aka gurɓata wancan tsari; ƙiris, to, hakan zai zama
sanadin tashin duniya kwata-kwata.