Báwo ni yóò ti rí Ẹ̀bùn ìbuyìfúnni (Nobel) Ọdún 1130 C.E

Ọ̀làjù ẹ̀sìn Islām jọba lórí gbogbo àgbáyé fún ohun tó lé ní 800 ọdún, láàrin ìgbà tó bẹ̀rẹ̀ láti (630 – 1430) lẹ́yìn bíbí Ànábì ‘Īsā. Àgbáyé ẹ̀sìn Islām, ní ìgbà náà, pẹ̀lú èdè rẹ̀ tó jẹ́ Lárúbáwá, òun ni òǹkà àkọ́kọ́ fún ìmọ̀ àti ìmòye. Dájúdújú ìmọ̀ dé ògóńgò rẹ̀, ní àsìkò tí wọ́n ń pè ní àwọn ìgbà ẹ̀sìn Islām tó yanran-ntí. Nítorí pé ọ̀gọ̀ọ̀rọ̀ àwọn onímímọ̀ jáde síta, tí wọ́n jẹ́ ògúnná gbòǹgbò níbi àwọn agbagbe ìmọ̀ iṣẹ́-ìṣègùn, ìmọ̀ nípa ojú-ọjọ́, ìṣirò àti ìmọ̀-ẹ̀rọ. Ní ìgbà náà, ọ̀pọ̀lọpọ̀ àwọn àkẹ́kọ̀ọ́, láti ọlọ́kan-ó-jọ̀kan àwọn ààyè lórí ilẹ̀ máa ń wá sí ọ̀dọ̀ wọn láti wá kọ́ ẹ̀kọ́ lọ́dọ̀ wọn. Àwọn ìwé wọn àti àwọn iṣẹ́-ìwadìí wọn sí jẹ́ ohun tí wọ́n ń kọ́ ní àwọn kan nínú àwọn Yunifásítì ní àgbáyé, gẹ́gẹ́ bí nǹkan ti rí pẹ̀lú àwọn ìwé tí àwọn onímìmọ̀ méjèèjì yìí; Ibn Sīnā àti Al-Khawārizmī kọ, àti àwọn àgbà-ọ̀jẹ̀ onímìmọ̀ mìíràn, tí wọ́n ń kọ́ àwọn ìwé wọn ní Yunifásítì àtijọ́ Sorbornne, èyí tó wá ní ìlú Faransé títí di ìgbà tí ọrúndún yìí lé ní ogún ọdún.