Hati za Kiarabu

Siku moja mmoja wetu wakati wa ziara yake ya kutembelea mojawapo ya majumba ya makumbusho ya mashariki anaweza kusimama kwa mshangao mbele ya bango la sanaa lilioandikwa kwa ustadi kwa herufi za Kiarabu, au kupitia kifaa chochote cha mawasiliano huenda akaona bango la sanaa lililo andikwa na kuchorwa kwa hati na nakshi za Kiarabu, zilizomvutia machoni na kumfanya asimame japo kwa muda mdogo ili azitafakari. Kama mmoja wetu hajawahi kubahatika kufanya kitu kama hicho, inawezekana michoro iliopo kwenye jalada la ukurasa huu uliopo mikononi mwako ikaamsha hisia zako za udadidisi ili kutaka kujua kitu kuhusu sanaa hii. Ni nini urermbo na nakshi ambazo Waarabu wa kale na wa sasa wamezifanyia ubunifu mkubwa wa sanaa? Ipo siri gani katika uzuri wa kipekee wa nakshi hizo? Ni kipi kilicho zitofautisha hati za Kiarabu kwakuwa na sanaa hii ambayo ni kama haipatikani katika lugha nyingine?.