Itakuwaje Tuzo ya Nobeli Mwaka 1130 AD

Ustaarabu wa Kiislamu ulitamalaki ulimwengu kwa zaidi ya miaka 800 katika kipindi cha mwaka (630-1430 Miladia). Ulimwengu wa Kiislamu, ukiwa na lugha yake ya Kiarabu, ulikuwa nambari moja kwenye elimu na sayansi. Sayansi ilifika kiwango chake cha juu katika enzi zilizoitwa Enzi za Kiislamu za Dhahabu, ambapo ilijitokeza idadi kubwa ya wanasayansi ambao walikuwa wamebobea katika taaluma za sayansi ya tiba, falaki, hesabu na uhandisi. Wanafunzi wengi kutoka sehemu mbalimbali duniani walimiminika kujifunza kwa wanasayansi hao. Vitabu na tafiti zao zilikuwa zikifundishwa katika vyuo vikuu vingi duniani, kama ilivyokuwa kwa vitabu vya wanasayansi wawili Avicenna na Alkhawarizmi na wengineo katika wanasayansi bingwa ambao vitabu vyao vilikuwa vikifundishwa katika Chuo Kikuu kikongwe cha Sorbonne nchini Ufaransa, mpaka miaka ya ishirini ya karne hii.