Jezusi (Isai) (paqja qoftë me të!) në Kuranin e madhërishëm

Jezui është një ndër Profetët më të mëdhenj
Kurani pohon se Jezusi (Isai a.s.) është një ndër Profetët më të mëdhenj dhe gëzon pozitat më të larta. Nëna e tij, Maria (Merjemi) ishte e besueshme, e bindur ndaj Zotit dhe adhuruese e sinqertë e Tij. Ajo ishte e ndershme, e ruajtur nga mëkatet dhe e virgjër. Falë fuqisë së Zotit të Lartësuar, që bën gjithçka që dëshiron, ajo mbeti shtatzënë me Jezusin. Jezusi erdhi në jetë pa baba. Krjimi i tij ishte një mrekulli e jashtëzakonshme, sikurse u krijua Adami (Ademi a.s.) pa baba dhe pa nënë. Zoti në Kuran sqaron:
“Rasti i Isait për Allahun është si rasti i Ademit që e krijoi prej baltës e pastaj i tha: “Bëhu!” – dhe ai u bë.” (Al Imran 59)