Kujt do t’i shkonte Çmimi Nobel në vitin 1130?

Qytetërimi islam mbizotëroi botën për më shumë se 800 vjet (gjatë periudhës 630-1430). Bota islame, me gjuhën e vet arabe, zuri vendin e parë në fusha të ndryshme të shkencës. Shkenca arriti në kulmet e saj gjatë një periudhë të quajtur “Epoka e Artë Islame”, kur doli një numër i madh i shkencëtarëve muslimanë, të cilët shkëlqyen në disiplinat: mjekësi, astronomi, aritmetikë, gjeometri etj. Shumë studentë nga vende të ndryshme të botës shkonin të mësonin tek ata. Librat dhe hulumtimet e tyre i rezistuan kohës dhe u studiuan në shumë universitete në mbarë botën, siç është rasti me librat e dy shkencëtarëve: Ibën Sina dhe El-Khavarizmi dhe të dijetarëve të tjerë gjenialë, librat e të cilëve studioheshin në universitetin prestigjioz të Sorbonës në Francë deri në vitet 20’ të shekullit të kaluar.