Masjida Nabiyyii Rabbii

Masjidoota addunyaa gurguddoota keessaa isa tokko. Islaamummaa keessattis irra qulqulllu lafa Addunyaa keessaa isa tokko. Kan ijaare, Nabiyyii Muhammad yoo ta`an Madiinaa Munawwaraa keessati argama. Ergamaan Rabbii Muhammad Makkaa irra gara Madiinaa yeroo baqatan bara 622 cinaa mana isaaniitti Masjida kana ijaaran. Eddoon isaas lafa mukni Tamiraa itti baay`atu kan ture yoo ta`u ijoollee lama abbaa hin qabne (Yatiima) irraa bitan. Masjidichas baala muka tamiraatiin kan ijaaran yoo ta`u dheerini meetira 50 yoo ta’u al`ini isaas hanga dheerinaaitti dhiyaata. Gara boodaa (seensaa) tiin eddoo keessummaa fi namoonni harka qalleeyyiin itti quphatan qaba ture.