Peyğəmbər məscidi

Dünyanın ən böyük məscidlərindən biri və İslamda ikinci ən müqəddəs məkandır. Bu məscidi Muhəmməd Peyğəmbər – sallallahu aleyhi va səlləm – 622-ci ildə Mədinə şəhərinə hicrət etdikdən sonra evinin yanında inşa etdirmişdir. Məscidin yeri iki yeniyetmə oğlana məxsus idi və orada xurma qurudulurdu. Peyğəmbər – sallallahu aleyhi va səlləm – həmin torpağı onlardan satın aldı. Sonra orada xurma ağacının gövdələrindən uzunluğu və eni 50 metr olan məscid inşa etdi. Məscidin tavanında da ağaclardan istifadə etdi. Məscidin qurtaracağında isə qərib və yoxsul insanlar üçün məkan təyin etdi.