Quranda haqqında danışılan 25 peyğəmbər

Qurani Kərimdə 25 peyğəmbərdən söhbət açılır. Allah onları insanlara hidayət yolunu göstərərək onlara həyatın məqsədi olan Tək olan Allaha ibadəti xatırlatmaları üçün göndərmişdir. Allah xəbər vermişdir ki, hər bir ümmətə elçi göndərilmişdir ki, onlara Allahın dinində doğru yolda olmalarını, cəmiyyətin islah olunmasını, orada ədalətin bərqərar olmasını təmin etsinlər. Onlar Allahın yaratdığı məxluqların ən xeyirliləridir. Onların Allahın elçiləri olmasına, onların məxluqatın ən dürüst və ən kamil insanlar olmasına iman gətirməyincə müsəlmanın imanı səhih olmaz. Bizlərə onların bəziləri haqqında xəbər verilmişdir. Çünki əsas məqsəd onlardan ibrət almaqdır. Peyğəmbərlərin sonuncusu və möhürü Allahın Rəsulu Muhəmməddir. Ona və ailəsinə Allahın salavatı və salamı olsun. Bu da həmin peyğəmbərlərdən bəziləridir. Sayları iyirmi beşdir.