Rubutun Larabci

Tana iya yiwuwa wata rana wani daga cikinmu ya tsaya yana mamakin ganin wani Allo da aka rubuta shi da haruffan Larabci a yayin da ya kai ziyara ga wani gidan tarihi a ƙasashen gabas, ko idan ya ga wani Allo a wata hanya an yi masa ado da zane-zane da rubutun larabawa, ƙila ganin hakan ya ja hankalinsa, ya tsaya wani ɗan lokaci yana tunani. In kuma hakan bai faru ba, to wataƙila waɗannan zane-zanen da suke jikin bangon wannan takardar da take gabanka, su sa maka son sani wani abu a kan wannan fanni. Don haka mene ne labarin waɗannan zane-zane da rubuce-rubuce waɗanda larabawa na da can da na wannan zamani suka ƙware wajen zana su? Me ye sirrin wannan kyau da suke da shi? Me ye ya bambamta rubutun larabci da irin wannan kyau wanda zai wahala ka same a wasu yarukan?