Yaya Zata Kasance Kyautar Nobel Ta shekarar 1130M

Wayewar Musulunci ta mamaye duniya fiye da shekaru 800, tun daga shekarar (630 zuwa 1430). A lokacin duniyar Musulunci da yaren larabci su ne lamba ta farko wajen ilimi da sani, ilimi ya kai ƙololuwa a zamanin Musulunci, ta yadda aka samu adadi mai yawa na malamai da suka yi fice a wannan lokaci, a cikin fannonin likitanci da ilimin falaki da hisabi da Injiniyanci. Ɗalibai daga wurare daban daban suna zuwa wajensu don su koyi ilimi a wurinsu, littafansu da bincike-binciken da suka yi sun zama su ne abubuwan da ake karantawa a jami’o’in duniya, kamar littafan malaman nan guda biyu, Ibnu Sina da Alkhuwarizmi, da sauran malamai masu ƙwaƙwalwa da basira, waɗanda ake karantar da littafansu a jami’ar Sirbon (Sorbonne Uniɓersity) a ƙasar Faransa har zuwa wannan ƙarni